Bu gün (r.e.d.-25.12.2022) Azərbaycan Silahlı Qüvvələrinin əsgəri Dadaşov Rəhim Möhübbət oğlunun şəhadətə ucaldığı gündür.
Sumqayit.tv xəbər verir ki, şəhidimizin anım mərasimi Şəhidlər Xiyabanında məzarını ziyarət edilərək başlayıb. Sonra isə tədbir mərasim evlərinin birində ehsan süfrəsi verilərək davam edib. Tədbir şəhidlərimizin ruhlarına 1 dəqiqəlik sükutla və Azərbaycan Respublikasının himni ilə başlayıb. Məclisdə İcra Hakimiyyətinin nümayəndələri, Sumqayıt Şəhər Cümə məscidinin axundu Hacı Rauf Sərdarov, təhsil aldığı Baki şəhərin Nizami rayonu 220 nömrəli tam orta məktəbin müəllimləri və şagirdləri, 38 nömrəli məktəbin müəllim kollektivi və sinif yoldaşları, qazilər və şəhid ailələri iştirak ediblər.
Qeyd edək ki, Rəhim Möhübbət oğlu Dadaşov 07.01.2003-cü ildə Sumqayıt şəhərində anadan olub.Əslən Qubadlı rayon Hal kəndindəndir.Ailənin bir övladı olub.
Kiçik yaşlarından hərbiyə böyük marağı və sevgisi olub. Rəhim Dadaşov 2021-ci ildə yanvar ayında hərbi xidmətə yola düşüb.

23 dekabr 2021-ci il Laçın rayonu istiqamətində ermənilərin açdığı snayper atəşi nəticəsində hərbi qulluqçumuz əsgər Dadaşov Rəhim Möhübbət oğlu şəhid olub.

Onun nəşi 24 dekabr 2021-ci ildə doğulub boya başa çatdığı Sumqayıt şəhərinə gətirilib və Sumqayıt Şəhidlər Xiyabanında dəfn edilib.

Ruhun şad olsun, Vətənin mərd oğlu! 

Müxbir: Vəsiqə DADAŞOVA