Sumqayıtda minik avtomobili marşrut avtobusu ilə toqquşdu - xəsarət alanlar var (VİDEO)
Sumqayıtda iki nəfərin xəsarət alması ilə nəticələnən yol-nəqliyyat hadisəsi baş verib. Sumqayıt TV-nin məlumatına görə, qəza şəhərin Sülh prospektində qeydə alınıb. Belə ki, “Renault Megane” markalı avtomobilin sürücüsü idarəetməni itirərək nəqliyyat vasitəsini 3 nömrəli marşrut xətti üzrə hərəkət edən “İsuzu” markalı avtobusa çırpıb. Qəza nəticəsində taksi fəaliyyəti ilə məşğul olan minik avtomobilinin sürücüsü 1991-ci il təvəllüdlü Elçin Abıyev və onun sərnişini 1971-ci il təvəllüdlü Şəkər İsmayılova ağır bədən xəsarətləri alıblar. Hər iki şəxs Sumqayıt şəhər Təcili Tibbi Yardım Xəstəxanasının reanimasiya şöbəsinə yerləşdiriliblər. Faktla bağlı araşdırma aparılır.
4-06-2021, 20:43
728
