Bu gün Azərbaycan Premyer Liqasında XXXII tura start veriləcək.
Sumqayit.tv-in məlumatına görə, günün ilk matçında "Kəpəz" Qəbələdə "Sumqayıt"ı qəbul edəcək. Hazırda Gəncə klubu 29 xalla 7-ci pillədə qərarlaşıb. 25 xalı olan "gənclik şəhəri" təmsilçisi isə 8-cidir.

İki komanda indiyədək ölkə çempionatında 23 dəfə üz-üzə gəlib. Bunların 6-sı "Kəpəz"in, 9-u "Sumqayıt"ın xeyrinə başa çatıb. Topların nisbətində də sumqayıtlılar üstündür - 30:24.
Samir Abasovun baş məşqçi olduğu komanda son iki matçda qol vurub. Tərlan Əhmədovun rəhbərlik etdiyi kollektiv isə son üç ev qarşılaşmasında qalib gəlməyib.