Bu barədə SUMQAYIT TV-yə mərhumun yaxınları məlumat verib. Belə ki, Sumqayıtda yerləşən "Şəfqət" Klinikasında 50 yaşlı Esmira Cəbrayılova göz qapağından əməliyyat olunarkən dünyasını dəyişib. Həkim Abbas İmanovun həyata keçirdiyi əməliyyatda xəstəyə yüksək dozalı "narkoz" vurulduğuna görə onun ürəyi dayandığı bildirilir. Məsələ ilə bağlı sözü gedən klinikada olsaq da orada bir nəfəri belə tapa bilmədik. Mərhumun iş yoldaşı Lətafət Məmmədova bildirib ki, E. Cəbrayılovanın səhhətində ciddi problemlər olmayıb. Qeyd edək ki, mərhum Esmira Cəbrayılova Bakıda uşaq bağçalarının birində tərbiyəçi işləyirmiş. Onun meyiti 15 yaşlı oğlunun istəyinə uyğun olaraq doğulub boya başa çatdığı Kürdəmir rayonuna aparılıb. Faktla bağlı araşdırma aparılır