Saray bağları “Qurd Dərəsi” misdivində yaşayan Hacıyeva Yeganə İdiris qızı Sumqayit.tv-nin redaksiyasına şikayət mesajı ünvanlayıb. 

Şikayətçi bildirir ki, Saray bağları “Qurd Dərəsi”  ev 4493 ərazisində kanalizasiya xəttləri yoxdur. Nəticədə, azca yağış yağan kimi yollar və ərazi b2tövlükdə qurbağa gölməçələrinə çevrilir. Bu isə özü-özlüyündə anti-sanitariyanın meydana gəlməsi deməkdir. XXI əsrin üçüncü onilliyində yaşamağımıza baxmayaraq, məsuliyyətsiz məmurların üzündən insanlarımız yaranmış mənzərədən əziyyət çəkirlər.  Məsələ ilə bağlı dəfələrlə aidiyyatı qurumlara yazılı və onlayn qaydada müraciət etsək də reaksiya verən olmayıb. Cavab olaraq bizə bildiriblər ki, “ məsələ diqqətimizdədir, icraata götürülüb, yaxın zamanlarda problem aradan qaldırılacaq” Hətta, 1-2 dəfə kanalizasiya xətlərini çəkmək üçün əraziyə borular da gətirib töküblər. Lakin sonra heç bir iş görməyərək,  bizə məlum olmayan səbəbdən, həmin boruları götürüb aparırlar. Bir sözlə bizim şikayətə baxan yoxdur. 

“Ona görə də məsələni ictimailəşdirmək istədik. Bəlkə, “Abşeron Su-kanal İdarəsi” öz üzərində ictimai qınaq hiss edə və xidməti vəzifələrini yerinə yetirələr. Əgər buna da reaksiya verən olmasa qonşularla razılaşmışıq ki, məsələni həll etmək üçün məsul qurumu məhkəməyə verəcəyik” deyə şikayətçi bildirib. 

P.s İnanmaq istəyirik ki, problem məhkəmə müstəvisinə çıxmadan aidiyyatı qurum, yaxud, qurumlar şikayətçinin qaldırdığı məsələni tezliklə həll edəcək. 

6-09-2023, 16:19 228