Erməni lobbisi sosial mediada da aktivdir. Azərbaycan rəsmilərinin səhifələrində olmazın yalanlarını yazan ermənilərin iş bununla bitmir. Belə ki, onların yalanlarına ingilis, rus dillərində cavab verən hər kəsin səhifəsini bağlatmağa çalışırlar.
Sumqayit.tv Bakıvaxtı.az-a istinadən xəbər verir ki, ermənilərin hədəfində olan şəxslərdən biri də Türkiyədə yaşayan tanınmış azərbaycanlı jurnalist Nigar Ögedaydır. Səhifəsi mavi tıklı olduğu üçün hazırda titr hesabını bağlatdıra bilməyən ermənilər Nigar Ögedayın fotolarını paylaşaraq onu hədəf göstəriblər.
Həmkarımızın sözlərinə görə, paylaşımlara Avropada yaşayan bəzi erməni havadarları da dəstək verib.
"Sizi yaxşı tanıyırıq. Qorxaqsınız! Gücünüz sadəcə, qadınlara, uşaqlara, yaşlılara çatar. Davam edin, havadarlarınız da sizin iç üzünüzü görüb tanısınlar. Biz sizi Xocalıda tanıdıq. Arxanızda duran dövlətlərə güvənməyin. Bu günün sabahı da var. Böyük dövlətlərin kuklasısınız. işi bitincə o dövlətlər də sizi atacaq", - deyə Ögeday öz növbəsində erməni səhifələrinə yazıb.
Nərgiz Məmmədli

18-09-2023, 15:01 465