Sumqayıtda Vətən müharibəsi zamanı könüllü olaraq cəbhəyə yollanan, Kərbəlayi Əliyev Sərxan İslam oğlunun şəhidlik zirvəsinə yüksəlməsinin 3 cü il dönümü qeyd olunub.
Sumqayit.tv xəbər verir ki, əvvəlki illərdə olduğu kimi, bu dəfə də mərasim Sumqayıt Şəhidlər Xiyabanında şəhidin məzarını ziyarət etməklə başlayıb.
Daha sonra mərasim şəhərin 3 -cü mk/r ərazisindəki xeyir-şər evlərindən birində dini ayinlər səsləndirilib, şəhidin adına ehsan süfrəsi açılıb. Məclisə, Sumqayıt Cümə Məscidinin axundu Hacı Rauf Sərdərov, "Qərbi Azərbaycan İcması"  Sumqayıt şəhər nümayəndəliyinin üzvləri,  Sərxanın adı verilən siniflərin müəllimləri,  "İstedad" liseyinin müəllim və şagirdləri ilə yanaşı, şəhidin qohumları, dostları və yaxınları qatılıblar. 

Qeyd edək ki, əslən Qərbi Azərbaycanın Dərələyəz mahalından olan şəhid Əliyev Sərxan İslam oğlu 16 yanvar 1998 ci ildə Sumqayıt şəhərində dünyaya göz açmışdı.
O, orta məktəbi bitirdikdən sonra 2016-cı ildə Azərbaycan Silahlı Qüvvələrinin tərkibində hərbi xidmətə yollanr.  
Azərbaycan Respublikasının ərazi bütövlüyü uğrunda 2016-cı il aprel döyüşlərinin iştirakçısı olan
Sərxan İslam oğlu Əliyev 27 sentyabr 2020-ci il tarixdə başlayan İkinci Qarabağ müharibəsinə könüllü olaraq qatılıb. Sərxan torpaqlarımızın yağı düşmən işğalından azad olunmasın üçün Füzuli istiqamətində gedən döyüşlər zamanı böyük şücəaətlər göstərərək, qəhrəmancasına həlak olmuşdur.
Azərbaycan Prezidenti İlham Əliyevin  15.12.2020-ci il və 29.12.2020 tarixli Sərəncamlarına əsasən Sərxan Əliyev ölümündən sonra medallarla təltif edilib.
Onun adına yaşadığı məhəllədə abidə, ucaldılmış, Sumqayıt şəhət uşaq xəstəxanasındada isə böyük bir lövhə qoyulmuşdu. Eyni zamanda Respublikanın bir çox məktəblərində sinif otaqları şəhid Sərxan Əliyevin adını daşıyır. 
Allah rəhmət eləsin!
Müəllif: Sumaqyit.tv