“Sumqayıt” klubunun prezidenti Riad Rəfiyevin aylıq qazancı məlum olub.
Sumqayit.tv İdmanxeber.az-a istinadən xəbər verir ki,  5 ildi “kimyaçılar”a rəhbərlik edən, həm də paralel menecerlik fəaliyyəti ilə məşğul olan Rəfiyev özünə 9700 maaş yazıb. Bu vəsait AFFA-nın “Sumqayıt”a ayırdığı aylıq dotasiyaya daxildir.
Bu gəlirlə o, “Sumqayıt”da ən çox maaş alan şəxsdi. Hətta klub rəhbəri komandanın əsas heyət futbolçularının əksərindən daha çox qazanır.
Qeyd edək ki, “3R SPORTS MANAGEMENT” şirkəti de-yure Rəfiyevin adına olmasa da, de-fakto onun idarəçiliyindədi. Sözügedən şirkət menecerlik fəaliyyəti göstərir.