Az qala ölkə çempionatının hər turundan sonra AFFA İntizam Komitəsi kənar şəxslərin meydana daxil olmasına görə klubları cərimələyir.
Təbii ki, dünyanın aparıcı futbol ölkələri çoxdan bu mərhələni arxada qoyub. Belə ki, onlar stadionda quraşdırılan kameraların köməyi ilə xatakar azarkeşləri üzə çıxarır və belələrinin bir daha oyunlarda iştirakına qadağa qoyur. Elə ölkə çempionatının son turunun “Sumqayıt” – “Qəbələ” matçında da “kimyaçılar”ın başına belə hadisə gəldi. Görəsən, dünya futbolunun tətbiq etdiyi təcrübə Misli premyer-liqası təmsilçilərinin də ağlına batırmı? Bu sualı “gənclik şəhəri” klubunun mətbuat xidmətinin rəhbəri Zaur Xudiyevə ünvanladıq:
“Klub daxilində hələ bu məsələni müzakirə etməmişik. Əvvəlcə aydınlaşdırmalıyıq ki, məhz kim və hansı səbəbdən meydana daxil olub”.

CAVİD ƏLİYEV