Azərbaycanda noyabr ayı üzrə pensiyalar 5 gün ardıcıl qeyri-iş günü ilə bağlı vaxtından əvvəl - 7 noyabrda ödəniləcək.
Sumqayit.tv xəbər verir ki, Bakı, Abşeron və Sumqayıt üzrə pensiya ödənişləri 7 noyabr tarixində hesablara köçürüləcək. 
Xatırladaq ki, noyabr ayında ardıcıl 5 gün - 8, 9, 10, 11 və 12 noyabr tarixləri qeyri-iş günü olacaq. Noyabrın 4-ü şənbə günü isə rəsmi iş günüdür. 
Qeyd edək ki, noyabrın 8-də Azərbaycanda Zəfər Günüdür.  Prezident İlham Əliyevin 2020-ci il 3 dekabr tarixli Sərancamı ilə Vətən müharibəsində misilsiz qələbənin əbədiləşdirilməsi məqsədilə hər il noyabrın 8-nin Azərbaycan Respublikasında Zəfər Günü kimi təntənəli şəkildə qeyd edilməsi qərara alınıb. 9 Noyabr isə Azərbaycanda Dövlət Bayrağı Günü kimi qeyd olunur.