Üfunət qoxulu Sumqayıt bulvarı: Problem nədən ibarətdir? - VİDEO
Sumqayıt şəhər bulvarında acınacaqlı vəziyyət höküm sürür. Bulvar ərazisindən gələn kəskin üfunət bura istirahətə gələn vətəndaşları narahat edir. Sakinlər ərazidə pis qoxu səbəbindən gəzə bilmədiklərini deyirlər. Bəs problemin yaranmasına səbəb nədir? Əməkdaşlarımız məsələni araşdırıb.Havaların isti keçdiyi bir vaxtda Sumqayıt bulvarından gələn kanalizasiya qoxusu sakinlərin buraya istirahətə gəlməsinə mane olur. Müxtəlif resatoran və əyləncə mərkəzlərinin yerləşdiyi bulvar ərazisində problem dözülməz həddə çatıb.
Bulvar ərazisində çəkiliş apardığımız zaman məlum oldu ki, məhz üfunət səbəbindən bura gələnlərin sayında da azalma var. Sumqayıt sakinləri deyir ki, bu vaxta qədər bulvar ərazisində belə bir problem yaşanmayıb.
Bəs bulvarda yaranan bu problemə səbəb nədir? Məsələ ilə bağlı Sumqayıt şəhər İcra Hakimiyyəti tabeliyində '' Sumqayıt Bulvar'' Məhdud Məsuliyyətli Cəmiyyətin şöbə müdiri isə bildirdi ki, əraziyə texnikalar cəlb edilib və problem aradan qaldırılır.
Bulvar İdarəsindən o da bildirildi ki, yaranmış problem qısa vaxt ərzində tam həllini tapacaq.
17-06-2021, 06:38
525
