Sumqayıt Apellyasiya Məhkəməsində dələduzluqda təsirləndirilən Turan Məmmədovun (soyad şərtidir) barəsindəki hökmdən verilən apellyasiya şikayətinə baxılıb.
Sumqayit.tv-in əldə etdiyi məlumata görə, hakim Elman Əhmədovun sədrliyi ilə keçirilən prosesdə qərar elan olunub. Qərara əsasən, Sumqayıt Şəhər Məhkəməsinin 25 avqust 2023-cü il tarixli 2 il 6 ay müddətinə azadlıqdan məhrumetmə hökmü ləğv edilib, o, cinayət məsuliyyətindən azad olunub və iş icraatına xitam verilib. Təqsirləndirilən şəxs barəsində seçilmiş həbs qətimkan tədbiri ləğv edilib və Turan Məmmədov saxlanıldığı Ədliyyə Nazirliyinin Penitensiar Xidmətinin 14 saylı Cəzaçəkmə Müəssisəsindən dərhal həbsdən azad olunub. 
İttihama görə, Turan Məmmədov etibardan sui-istifadə və ya aldatma yolu ilə özgənin xeyli miqdarda əmlakını qanunsuz və əvəzsiz olaraq öz mülkiyyətinə keçirib. Belə ki, o, bu məqsədilə 2022-ci ilin avqust ayında dəqiq günü istintaqa məlum olmayan tarixdə “Facebook” sosial şəbəkəsində tanış olduğu şəxsin rəfiqəsi, zərərçəkmiş Maya Kərimovanı (şərti) dövlət xəstəxanalarının birində tibb bacısı kimi işə düzəldəcəyi adı ilə yalan vədlər verib. Turan həmin qadının ümumilikdə 5600 manat pulunu dələduzluq yolu ilə ələ keçirib. Daha sonra qadın şikayət edib və Turan Məmmədov cinayət məsuliyyətinə cəlb edilib. //pravda.az