Sumqayıtda itkin kimi axtarışda olan şəxsin dənizdə boğulduğu müəyyən edilib.

SUMQAYIT TV-nin  məlumatına görə, bu gün axşam saatlarında Xəzər dənizinin Sumqayıt sahilində "Katamaran” istirahət mərkəzinin ərazisində dənizdən kişi meyiti tapılıb.
Aparılan araşdırma zamanı boğulan şəxsin 2005-ci il təvəllüdlü Zalov Qubad Xəqani oğlu olduğu müəyyənləşib. Mərhumun meyiti müayinə olunması üçün aidiyyəti üzrə təhvil verilib.
Qeyd edək ki, 16 yaşlı yeniyetmə iyunun 20-dən evdən çıxması və bir daha geri qayıtmaması ilə bağlı valideynləri ATV-də yayımlanan "Bizimləsən” verilişinə müraciət etmişdi.

23-06-2021, 08:05 602