Bu gün Qərbi Azərbaycan İcmasının (QAİ) Sumqayıt nümayəndələri aprel döyüşlərinin şəhidlərini yad edib.

Sumqayit.tv xəbər verir ki, İcmanın şəhər nümayəndələri Sumqayıtdakı Şəhidlər Xiyabanını ziyarət ediblər. 

Anım tədbirində QAİ Sumqayıt nümayəndəsi Ramiz İsmayılov qısa məlumat verib. O 8 il əvvəl başlayan və tarixə keçən “Aprel döyüşləri”ndə Azərbaycan gənclərinin göstərdikləri igidliklərdən bəhs edərək, əlavə edib ki, müqəddəs şəhidlikdə uyuyan qəhrəman övladlarımızın sayəsində xalq olaraq başımız dikəldi. 

“Düşünürəm ki, aprel döyüşləri həm də  2020-ci ildə əldə edilən tarixi qələbəmizə gedən yolun başlanğıcı idi. Ali Baş Komandanımız cənab İlham Əliyevin dediyi kimi, aprel döyüşləri dövlətimizin və ordumuzun gücünü, xalqımızın birliyini və həmrəyliyini nümayiş etdirən cəng tarixi idi. Bəli, Azərbaycanın hər bir fərdi tez-tez Şəhidlər Xiyabanına gəlməli, burada uyuyan müqəddəslərimizi yad etməli və onların şücaətləri barədə öz övladlarına danışmalıdırlar ki, həm onlar vətənpərvərlik ruhunda böyüsünlər, həm də millətimizə qələbə sevinci bəxş edən qəhrəman oğullarımız illər, əsrlər keçsə də unudulmasınlar” deyə R.İsmayılov bildirib. 

Daha sonar şəhidlərin ruhuna dualar oxunub, məzarlarına gül düzülüb.

Xatırladaq ki, tədbirə QAİ Sumqayıt nümayəndəliyinin Ağsaqqallar Şurası, Qadınlar Şurası və Gənclər Birliyinin üzvləri qatılıblar.

4-04-2024, 17:12 735