Abşeron –Xızı Regional Təhsil İdarəsi və  Qərbi Azərbaycan icması Sumqayıt nümayəndəliyinin  təşəbbüsü  ilə  1 nömrəli Uşaq-Gənclər İnkişaf Mərkəzində  Ümummilli lider Heydər Əliyevin anadan olmasının 101- ci il dönümünə həsr olunmuş  “Dahi insan bəşəriyyət kitabının sərlövhəsidir ” adlı konfrans keçrilib.

Sumqayit.tv xəbər verir ki, Sumqayıt şəhər 27 nömrəli tam orta məktəbin müəllim və şagird heyyətinin iştirakı ilə  baş tutatn toplantını  “1 nömrəli Uşaq-Gənclər İnkişaf Mərkəzi”nin direktoru  Əntiqə Rzayeva açıb. O bu gün keçrilən tədbirin silsilə xarakterli olduğunu bildirərək, mövzunun Azərbaycan dövləti və xalqı üçün böyük əhəmiyyət daşıdığını xüsusi vurğulayıb. 

Sonra  27 nömrəli tam orta məktəbin tarix müəllimi Səlim Quluzadə bildirdi ki, Ulu öndər Heydər Əliyevin xalqı və dövləti qarşısındakı misilsiz xidmətləri olan dahi şəxsiyyətdir. O harda olmasından asılı olmayaraq millətinin və dövlətinin ali mənafeyini öz fəaliyyətində daim təməl prinsip və norma kimi qəbul edən lider olub.  Mənalı həyatını öz xalqına bəxş etmiş Ulu öndər ölkəmizin inkişafı, xalqımızın rifahı naminə çox böyük işlər görüb. Hər bir məsələyə böyük həssaslıqla yanaşan Heydər Əliyev Qərbi Azərbaycandan deportasiya edilmiş soydaşlarımızın dərdlərini öz dərdi bilərək, “zaman gələcək, öz tarixi ata-baba yurdlarımız olan Göyçəyə, Zəngəzura, Dərələyəzə” mütləq qayıdacağıq deyirdi. Bəli, bu gün cənab prezidentimiz İlham Əliyev atasının dediyi fikirləri bir-bir yerinə yetrməkdədir. “Biz əminik ki, müzəffər Ali Baş Komandanımızın başlatdığı Qərbi Azərbaycana qayıdış konsepsiyas mütləq həqiqətə çevriləcək. Öz dədə-baba yurdlarından didərgin düşmüş Qərbi Azərbaycanlı bacı-qardaşlarımız doğma yurdlarına qayıdacaqlar. Sadəcə bunun üçün hər birimiz çalışmalı və tarixi həqiqətə söykənən faktları dünya birliyinə çatdırmalıyıq” deyərək S. Quluzadə fikirlərini tamamlayıb.   

Daha sonra sözügeçən məktəbin VIII sinif şagirdləri Novruzzadə Samir və Mənsurova Zəhra çıxış edib. Onlar da Heydər Əliyev dühası barədə danışaraq, Ulu öndırin kəlamlarından sitatlr gətiriblər. Tədbirin sonunda konfrans iştirakçıları xatirə şəkilləri çəkdirdilər.

3-05-2024, 19:17 378