Bu gün (red-dünən) Qərbi Azərbaycan İcması (QAİ) Sumqayıt nümayəndəliyində intelektual oyun keçirilib.
Sumqayit.tv-yə verilən məlumata görə, QAİ Sumqayıt nümayəndəliyinin Gənclər Birliyinin sədri Elman Telmanoğlunun təşəbbüsü, Sumqayıtda yerləşən  "Məktəbli" mağazalar şəbəkəsinin sahibi, QAİ Sumqayıt nümayəndləliyinin İdarə Heyyətinin üzvü Akif Şahbazovun dəstəyi və QAİ Sumqayıt nümayəndəliyinin Qadınlar Şurasının sədr müavini Əntiqə Rzayevanın təşkilatçılığı ilə 7,8,11,24 və 41 saylı məktəbin  şagirdləri arasında Qərbi Azərbaycana aid intelektual yarışma keçirilib. Yarış Ümummilli lider Heydər Əliyevin anadan olmasının 101 illiyinə və Qərbi Azərbaycana həsr olunub.
Unikal kontentə malik olan oyun 6 turdan və 36 sualdan ibarət olub. Yarışın süalları Heydər Əliyevə və Qərbi Azərbaycana həsr olunub. 
“Fibonaççi” layihəsi çərçivəsində baş tutan yarışmada,  simvolik olaraq  "Ağbaba", "Dərələyəz", "İrəvan", "Göyçə" və "Zəngəzur"  adı altında komandaları formalaşdırılıb.
Sənan Mahmudovun hazırladığı suallar əsasında keçrilən intelektual tarış 1.5 saat davam edib. 
Gərgin mübarizə şəraitində keçən intelektual oyunun sonunda  "Zəngəzur" (23 saylı orta məktəbin şagirdləri) komandası 1-ci yer, "İrəvan" (41 saylı orta məktəbin şagirdləri) 2-ci yer,  "Ağbaba" (8 saylı orta məktəbin şagirdləri) komandası 3-cü yer tutub. 

Qaliblər QAİ Sumqayıt nümayəndəliyinin rəhbəri Ramiz İsmayılov tərəfindən diplom və Qərbi Azərbaycana aid kitab hədiyyələri ilə mükafatlandırılıblar. 
Yer tutmayan digər iki komandanın üzvlərinə isə həvəsləndirici və marifləndirici xarakter daşıyan Qərbi Azərbaycanı tərənnüm edən kitablar hədiyyə olunub.

Sonda xatirə fotosu çəkilib.