May ayının 18-19 tarixində  "Təhsil" Respublika İdman Mərkəzinin Sumqayıt şəhər 2 nömrəli Uşaq-Gənclər İdman-Şahmat Məktəbinin təlim-məşq bazasında , “Yaşıl dünya naminə həmrəylik ili”nə həsr edilmiş  2013-2014-cü il təvəllüdlü yeniyetmələr arasında futbol idman növü üzrə məktəbin birinciliyi keçirilib.
Sumqayit.tv xəbər verir ki, tədbirin təşkilində məqsəd şəhərdə futbol idman növünü təbliğ etmək, uşaq və yeniyetmələr arasında idmanın kütləviliyinə nail olmaq və sağlam həyat tərzinə istiqamətləndirməkdir. 

Qeyd edək ki, 8 komanda arasında aprılan gərgin mübarizə şəraitində yarışının qalibi, məşqiçi Kənan Kərimovun rəhbərlik etdiyi  U-11 komandası bütün rəqiblərinə qalib gələrək 1-ci yerə çıxıb. Qalib komadya kubok, medal və diplom təqdim olunub.