Qərbi Azərbaycan İcması (QAİ) Sumqayıt nümayəndəliyi Gənclər Birliyinin növbəti iclası olub. 
İcmanın Sumqayıt şəhər nümayəndəliyindən Sumqayit.tv-yə verilən məlumata görə, iclasın gündəliyinə birliyin sədr müavinlərinin təyinatı və görəcəkləri işlər salınıb.
Öncə QAİ Sumqayıt nümayəndəliyinin rəhbəri Ramiz İsmayılov gəncləri QAİ İdarə Heyyətinin sədri, Milli Məclisin deputatı Əziz Ələkbərlinin və öz adından salamlayıb və onlara nümayəndəliyin işində fəal iştirak etdiklərinə görə təşəkkür edib. Sonra R.İsmayılov nümayəndəliyin Gənclər Birliyinin sədrinin iki müavini Lalə Tarverdiyevanı və Fuad Məmmədovu gənclərə təqdim edib və onlara uğurlar diləyib.
Daha sonra QAİ Sumqayıt nümayəndəliyinin Gənclər Birliyinin sədri İlkin Şirinov yeni təyin olunan müavinlərə uğurlar diləyib və onlarla birgə mühüm addımlar atacaqlarına əminliyini vurğulayıb.
Sonra gendəlik ətrafında müzakirələr aparılıb. Müzakirə nəticəsində qərara alınıb ki, Sumqayıt nümayəndəliyinin gəncləri yaxın zamanlarda Xocalı, Xankəndi və Şuşaya səfər etdərək "Cıdır düzü"ndə Qərbi Azərbaycan İcmasının bayrağını dalğalandırsınlar.