Sumqayıtda minik avtomobili avtoqəza törədib.
İzləyicimizin Sumqayit.tv-yə verdiyi məlumata görə, bu gün saat 17:08 radələrində Sumqayıt şəhər sülh küçəsində avtoqəza baş verib. Hadisəyə səbəb 90 ZV 638 nömrəli dövlət nişanlı Opel Zafira markalı maşının yüksək sürətə hərəkət etməsi olub. Yüksək sürətlə gələn Opel markalı maşın müvazinatı itirərək qarşı yola çıxıb və yol kənarında quraşdırılan işıq dirəklərinə çırpılıb.
Qəza zamanı sürücünün yaralandığı deyilir. Məlumatlı mənbə bildirir ki, qəza törədən maşınin sürücüsü keçmiş polis əməkdaşı olub.