8 Noyabr-Zəfər Günü ilə bağlı Qərbi Azərbaycan İcması Sumqayıt nümayəndəliyi Sumqayıt Şəhidlər Xiyabanını ziyarət edib. 
Sumqayit.tv-in məlumatına görə, tədbirə QAİ Sumqayıt nümayəndəliyinin sədri Ramiz İsmayılov, Ağsaqqallar, Qadınlar, Gənclər şüralarının və İdarə Heyətinin üzvləri qatılıblar. 
Nümayəndəliyin üzvləri Sumqayıt Şəhidlər Xiyabanında ucaldılan Qalib Əsgər abidəsinin önünə əklil qoyub,  şəhidlərimizin  məzarları üstünə gül dəstələri düzüblər. 
Müstəqil Azərbaycanın azadlığı uğrunda canlarını fəda edən şəhidlərin əziz xatirəsi ehtiramla yad edilib, ruhlarına dualar oxunub.