Qərbi Azərbaycan İcması (QAİ) Sumqayıt nümayəndəliyi Sumqayıtın 75 illiyinə həsr olunan  “Ürəyimdə mənim iki vətən var, biri kəndimizdir, biri Sumqayıt” adlı yığıncaq keçirib.
QAİ Sumqayıt nümayəndəliyindən Sumqayit.tv-yə verilən məlumata görə, Sumqayıt şəhərinin 75 illiyinə həsr edilən  toplantı Azərbaycanın müstəqilliyi uğurunda canlarını fəda edən şəhidlərimizin əziz xatirəsi yad edilərək  başlayıb.
Tədbiri giriş sözü ilə QAİ Sumqayıt nümayəndəsi Ramiz İsmayılov açaraq Sumqayıt şəhərinin yaranma və inkişaf tarixi  barədə toplantı iştirakçılarına məlumat verib.
R. İsmayılov bildirib ki, Sumqayıtın inkişafı naminə digər bölgələrimizin nümayəndlələri kimi, qərbi azərbaycanlıların da xidməti böyükdür. “Qərbi azərbaycanlılar işlədikləri bütün sahələrdə çalışıblar ki, şəhərimizə layiqincə töhfə versinlər. Sumqayıt digər bölgələrin insanları kimi, hər bir qərbi azərbaycanlı üçün də doğma və əzizdir. Bu şəhər bizlərin ikinci vətənidir.  Bizlər də necə ki, bu günə qədər Sumqayıtımızın timsalında Azərbaycanəmızın qüdrətlənməsi üçün canla-başla xidmət etmişik, bundan sonra da əlimizdən gələni etməliyik ki, şəhərimiz daha da inkişaf etsin.. Ona görə də şəhərimizin 75 illik yubleyində Sumqayıtımızda yaşayan digər bölgələrimizdən olan insanlarla yanaşı, Qərbi Azərbaycan kökənli  sakinlərimizi nümayəndəliyimizin  üzvləti adından təbrik edirəm.”-deyə, Ramiz İsmayılov fikirlərini yekunlaşdırıb.  
Digər çıxışçılar Alı Alıyev, Xankərəm Vəliyev, Nofəl Əhmədov, Akif Şahbazov, İkin Şirinov, Şamama Vəliyeva, Sevindik Hüseynov  və digər icma üzvlər bildiriblər ki, Sumqayıtın inkişafında qərbi azərbaycanlıların oynadığı rol danılmazdır. Sumqayıtlıları 75 illik münasibətilə təbrik edən natiqlər əlavə ediblər ki, qərbi azərbaycanlılar bundan sonra da dövlətçiliyimizin möhkəmlənməsi və qüdrətlənməsi naminə Azərbaycan Respublikasının prezidenti İlham Əliyevin siyasi kursuna sədaqət nümayiş etdirilməlidirlər.
Sonda Sumqayıtın quruculuğunda və inkişafında xidməti olan bir qurup qərbi azərbaycanlılara nümayəndəlik tərəfindən təşəkkürnamələr verilib,  xatirə fotosu çəkilib.