Karvansaray (İcevan) rayon Haqqıxlı kənd İcması Qərbi Azərbaycan İcması (QAİ) Sumqayıt Nümayəndəliyinin konfrans zalında iclas keçirib.  
 Sumqayit.tv-yə verilən məlumata görə, toplantı Azərbaycanın müstəqilliyi uğurunda  canlarını fəda edən şəhidlərimizin əziz xatirəsini yad etməklə başlayıb.
İclası giriş sözü ilə əslən Haqqıxlı kənd sakini olan Sumqayıt nümayəndəliyinin rəhbəri Ramiz İsmayılov açıb.
O iclas iştirakçılarına QAİ İdarə Heyətinin sədri, Milli Məclisin deputatı Əziz Ələkbərlinin salamlarını çatdırıb. Sumqayıt nümayəndəliyində yaradılan şərait və görülən işlər barədə həmkəndlilərinə məlumat verən  R.İsmayılov əlavə edib ki, Haqqıxlı kənd İcması da ölkə başçısının qarşımızda qoyduğu məsələləri həyata keçirmək üçün fəallığını artırmalı və Qayıdış Konsepsiyasına uyğun  hədəf və məqsədlərə çatmaq istiqamətində ortaya mövqe qoymalıdır. Xüsusən də bu məsələdə gənclərin aktivliyi gözəçarpacaq dərəcədə olmalıdı ki, erməni yalanlarının ifşa olunmasına töhvə verə bilək.  
Sonra Haqqıxlı kənd icmasının sədri İbad Mehdiyevçıxış edib. Haqqıxlı xatirələrindən danışan İ. Mehdiyev gənclərin bir-birini tanımasının vacibliyindən vurğulayıb. “Əgər, dövlətimizin və icmamızın bizə veridyi tapşırıqlar istiqamətində addımlar atıb, həmrəylik nümayiş etdirə bilsək, əminəm ki, bu birliyin nəticəsi olaraq Haqqıxlıya qayıtmaq imkanlarımız reallığa çevirləcək.”-deyə, İbad Mehdiyev bildirib.  Çıxışının sonunda İ.Mehdiyev Haqqıxlı kənd İcması Qadınlar Şuarsının yeni sədri  Ayişə Nəbiyevanı iclas iştirakçılarına təqdim edib.
Öz növbəsində yeni təyin olunan sədr Ayişə Nəbiyevagöstərilən etimada görə haqqıxlılara təşəkkürünü bildirərək və əlavə edib ki, üzərinə düşən işin öhtəsindən layiqincə gəlməyə çalışacaq.Eyni zamanda A. Nəbiyeva ümumi işin irəli aparılması üçün  həmkəndlilərindən və kənd icmasının məsul şəxslərindən dəstək gözlədiyini dilə gətirib. 
Haqqıxlı Axsaqqallar Şuarsının sədr müavini Əlifxan Məmmədovİcmanın yaranmasının önəmindən və bu istiqamətdə fəaliyyətin gücləndirilməsindən danışaraq gənclərin roluna vurğu edib.
Haqqıxlı kənd sakini, elmlər namizədi, əməkdar müəllim Saməddin İbrahimov tədbirin təşkilatçılarına və şəarait yaradanlara təşəkkürünü bildirib.O Qərbi Azərbaycan İcmasının beynəlxalq arenadakı roluna toxunaraq, müsbət istiqamətdə böyük irəlləyişlərin olduğunu qeyd edib. Bundan başqa S. İbrahimov “2000-ci ildən bu günə qədər Azərbaycan Respublikasının prezidentinin sərəncamı ilə təkcə Haqqıxlı kəndindən 30-a yaxın insana ordenlər və medal verilib. Bu göstəricin özü bir daha bizim kəndin insanların nə qədər böyük potensiala malik olduğunu göstərən faktdır.”-deyib.
Sonra Haqqıxlı kənd İcmasının üzvü dosent, Odlar Yurdu Universitetinin rejim üzrə prorektoru Füzuli Həsənovİcmanın prinsiplərindən danışıb.  “Bu günlərə Qərbi Azərbaycan İcması ikinci Beynəlxalq Konfrans keçirdi.Belə konfransların təşkili olunması bizim ata-baba yurdumuza qayıtmaq həvəsimizi artırır. Lakin, bu heç də o demək deyil ki, biz ayağımızı, ayağımızın üstünə qoyub oturmalıyıq. Əksinə, Qayıdış Konsepsiyasında öz işimizi bilməli və bu istiqamətdə birləşərək hamılıqla ümumi prosesə təkan verməliyik” – deyə, F.Həsənov sözlərini bitirib. 
Daha sonra Haqqıxlı kənd İcmasının üzvü, texnika elmləri üzrə fəlsəfə doktoru Camal İsmayılov da  İcmanın təsirli addımlar atması üçün əlaqələrin qurulmasını və mariflədirici xarakterli təbliğatın aparılmasını xüsusi vurğulayıb.
Sonda Haqqıxlı kənd İcmasının sədri İ.Mehdiyev  QAİ tərəfindən hazırlanan “Qərbi Azərbaycan Şəhdiləri” adlı kitabı sözügedən kənddən olan şəhidlərin ailə üzvlərinə verərək, yeni üzvlərə Qərbi Azərbaycan İcmasının vəsiqə və döş nişanlarını təqdim edib.