21-ci əsrin ikinci onilliyini yaşamağımıza baxmayaraq bizim ölkədə elə dayanaqcalqar var ki, onlar hələ də istifadəyə yararsız vəziyyətdədir. 
Sumqayit.tv-yə daxil olan məlumata görə, bu tip dayanacaqlardan biri də, Zeynalabdin Tağıyev qəsəbəsi, Bakı-Quba şossesindəki "Araz Market"lə üz-üzə ərazidə yerləşir. Oturacaqları sındırılmış, şüşələri qırılmış bu dayanacağa (Buna dayanacaq demək mümkünsə-S.T) baxanda adama elə gəlir ki, ya 19-cu əsrdə yaşayır, ya da bura Suriyanın bombalanmış hansısa şəhərlərindən biridir. Hər-halda dayanacağın estetik görünüşü belə düşünməyə əsas verir.  
Nəzərə alsaq ki, qarşıdan ağır qış ayları gəlir və sözügedən ərazidəki dayanacağın nə şüşələri, nə də otracaqları var, o zaman  yol maşını gözləyən sərnişinlərin hansı məşəqqətlərlə üzləşəcəyini proqnozlaşdırma çox çətin deyil. 
Saytımızın məsələyə işıq tutmasından sonra inanırıq ki, mövcud dayanacaqların idarə olunması ilə bağlı səlahiyyətlilər qeyd olunan əraziyə baxış keçirib, hansı problemlər varsa onları dəqiqliklə təhlil edib, sərnişinlərin üzləşdikləri çətinliyi aradan qaldıracaqlar. Əks halda ərazidə yaşayan və həmin dayanacaqdan istifadə edən sakinləri qarşıdan gələn yağışlı, qarlı və küləkli qış aylarında acınacaqlı vəziyyət gözləyəcək. 

Müəllif: Sumqayit.tv