Yanvar ayının 3-də Qərbi Azərbaycan İcması Sumqayıt nümayəndəliyi şəhər restoranlarının birində Dünya azərbaycanlılarının Həmrəylik günü və Yeni il münasibətilə tədbir keçirilib.

Sumqayit.tv xəbər verir ki, bayram şənliyində Qərbi Azərbaycan İcması (QAİ) İdarə Heyətinin sədri, Milli Məclisin üzvü Əziz Ələkbərli, Sumqayıt şəhər İcra hakimiyyəti başçısının birinci müavini Teymur Səmədov, Sumqayıt nümayəndəliyi Qadınlar, Ağsaqqallar, Ziyalılar şuralarının, Gənclər Birliyinin üzləri və fəxri qonaqlar iştirak ediblər.
Tədbirə qatılan QAİ İdarə Heyətinin sədri, millət vəkili Əziz Ələkbərli çıxış edərək Qərbi Azərbaycan icmasının ötən illər ərzində xeyli iş gördüldüyünü və bu istiqamətdə təkcə Qərbi azərbaycanlıların deyil, bütövlükdə Azərbaycan xalqının, eyni zamanda Azərbaycan dövlətinin və dövlət başçısı İlham Əliyevin dəstəyinin şahidi olduğunu  xüsusi vurğulayıb.
“QAİ çərçivəsində yaradılan şəhər və rayon icmaları, o cümlədən nümayəndəlikləri  içərisində, Sumqayıt nümayəndəliyi xüsusi ilə seçilir. Bunun nəticəsində Sumqayıt şəhər nümayəndəliyi birincilik bayrağını əlində tutub. Sumqayıt nümayəndəliyinin birincilik qazanmasında bura toplaşan və məlum səbəblər üzündən tədbirə gələ bilməyən hər kəsin əməyi var.”-deyə, Ə.Ələkbərli fikirlərini tamamlayıb.Sonra Sumqayıt şəhər İcra Hakimiyyətinin başçısının birinci müavini Teymur Səmədov tədbir iştirakçılarını salamlayaraq, şəhər İcra başçısı Zakir Fərəcovun təbriklərini şənliyə yığışıanlara çatdırıb. O da öz növbəsində Qərbi Azərbaycan məsələsinin dövlətin prioritet siyasəti olduğunu və bu işdə hər kəsin töhvə verməli olduğunu dilə gətirib.  
Tədbir musiqi proqramları ilə davam etdirilib.