Martın 22-də Azərbaycan yığması ilə yoldaşlıq görüşü keçirəcək Haiti milli komandasının heyəti açıqlanıb.
Sumqayit.tv xəbər verir ki, baş məşqçi Sebastien Minye ölkəmizə 23 futbolçu gətirəcək. Bunlardan 19 nəfəri Haitidən kənarda legioner həyatı yaşayırlar.

Heyətdə ən çox diqqətçəkən ad Fafa Pikodur. 34 yaşlı hücumçu ABŞ-ın "İnter Mayami" klubunun şərəfini qoruyur. Dünya ulduzu Lionel Messi ilə çiyin-çiyinə oynayan Piko Mayami təmsilçisinə 2 ay öncə transfer olunub. O, yeni komandasında artıq 2 görüşə çıxmağa imkan tapıb.

Pikonun yığma karyerası da çox maraqlıdır. Vaxtilə ABŞ yığmasını seçən (2016-18-ci illər, 2 oyun) istedadlı futbolçu 2023-cü ildən etibarən Haiti yığmasının formasını geyinir. Bu müddət ərzində 14 matçda 1 qol vurub.

Qeyd edək ki, Azərbaycan - Haiti qarşılaşması martın 22-də Mehdi Hüseynzadə adına Sumqayıt şəhər stdionunda baş tutacaq.

Qapıçılar: Qarrison İnnosent (“Riteryay”, Litva), Jona Mednar (“Veyk Forest Universiteti”), Aleksandr Pyer (“Soşo-Monbelyar”, Fransa);

Müdafiəçilər: Karlens Arkus (“Anje”, Fransa), Martin Eksperiens (“Nansi”, Fransa), Dük Lakroa (“Kolorado Sprinqs”, ABŞ), Rikardo Ade (LDU, Ekvador), Jan-Kevin Düvern (“Kortreyk”, Belçika), Peterson Pyer-Luis (“Real Houp” Akademiyası), Fransua Düliss (“Eqnatiya”, Albaniya), Vilquen Poqan (“Sankt Pölten”, Avstriya);

Yarımmüdafiəçilər: Karl Fred Sante (“Finiks Rayzinq”, ABŞ), Denli Jan-Jak (“Filadelfiya Yunion”, ABŞ), Leverton Pyer, Teo Mişel (hər ikisi “Şatoru”, Fransa), Kristofer Attis (“Lekko”, İtaliya), Emerson Less (“Maunt Plezent” Akademiyası, Yamayka);

Hücumçular: Dukkens Nazon (“Kayserispor”, Türkiyə), Frontdi Pyero (AEK, Yunanıstan), Mondi Prunye (“Frank Boran”, Belçika), Fafa Piko (“İnter Mayami”, ABŞ), Dani Jan (“Torrense”, Portuqaliya), Ruben Providens (“Almere Siti”, Niderland), Luisius Don Didson (“Odense”, Danimarka).//Offsideplus.az