Sumqayıt şəhərinin "Yaşıl Dərə" massivində yaşayan sakinlər illərdir yol probleminin həll olunmamasından şikayətçidirlər. Sumaqayit.tv-yə daxil olan məlumata görə, xüsusilə 39-un yolu ərazisindəki Sara Xatun küçəsinin yolları bərbad vəziyyətdədir. Kadrlardan da göründüyü kimi, bu yol, əgər yol demək mümkünsə, həm piyadalar, həm də sürücülər üçün ciddi problemlər yaradır.

Sakinlər bildirirlər ki, məsələ ilə bağlı aidiyyəti qurumlara dəfələrlə müraciət ediblər. Lakin hələ də heç bir tədbir görülməyib. "Palçıqlı və çuxurlarla dolu yollar xüsusilə yağışlı havalarda keçilməz olur. Burada nə avtobusların, nə də şəxsi avtomobillərin normal hərəkəti mümkündür,"- deyə şikayətçilər əlavə edirlər.

Sözügedən küçədə yaranmış yol probleminə aydınlıq gətirmək məqsədilə Sumqayıt şəhər Bələdiyyəsinin sözçüsü Səbuhi Elnurla əlaqə saxladıq.

P.S.Sumqayıt.tv olaraq məsələyə işıq tutmağa çalışdıq və ümid edirik ki, məsul olan qurumlar "Yaşıl Dərə"nin pis vəziyyətdə olan yollarına əncam çəkəcəklər. Atılacaq növbəti addımlar aidiyyəti qurumların üzərinə düşür.

18-03-2025, 17:12 186