Bu gün ölkə ərazisində yağan güclü leysan nəticəsində Ağsu rayonunun Kalva kəndində faciəli hadisə baş verib.
Sumqayit.tv -in məlumatına görə, podratçı "Evascon" şirkətin Bakıdan olan əməkdaşı, 43 yaşlı sahə rəisi Pərviz Həyatullayev öz işçisini xilas etməyə çalışarkən selə qarışaraq həlak olub.Məlumatlara görə, sahə rəisi suyun ortasında köməksiz vəziyyətdə qalan işçini xilas etmək üçün ekskavatorun kovuşunda hadisə yerinə yaxınlaşıb. Lakin texnika qəfildən aşıb və nəticədə Həyatullayev sel sularına düşərək həyatını itirib. Hadisə güclü yağışların yaratdığı sel səbəbilə baş verib.Axtarış-xilasetmə qrupları dərhal əraziyə cəlb olunsa da, onun həyatını xilas etmək mümkün olmayıb.Hazırda hadisə ilə bağlı hüquq-mühafizə orqanları tərəfindən araşdırma aparılır. Pərviz Həyatullayevin fədakar davranışı isə sosial şəbəkələrdə geniş rezonans doğurub.