Almaniyanın Nürnberq şəhərində yaşayan azərbaycanlı yeniyetmə boksçu Əliyev Elcan böyük uğura imza atıb.

Sumqayit.tv-yə verilən məlumata görə, Elcan Əliyev boks üzrə Bavariya vilayət çempionatında 12 yaş kateqoriyasında iştirak edərək çempion adına layiq görülüb.

Elcan bu uğurunu davamlı məşqlər və intizamlı hazırlıq prosesi nəticəsində əldə edib. O, Almaniyada böyüməsinə baxmayaraq, Azərbaycan idman məktəbinin dəyərlərini daşıyır və gələcəkdə beynəlxalq arenada da ölkəmizi təmsil etmək arzusundadır.

Gənc idmançının atası — Əliyev Elvin Nofəl oğlu Sumqayıt şəhərindəndir və ailəsi uzun müddətdir Almaniyada yaşayır. Onlar Elcanın boksla məşğul olması üçün hər cür şərait yaradaraq, onun idman karyerasına tam dəstək verirlər.

Azərbaycan diasporunun fəalları və idman ictimaiyyəti Elcanın bu uğurunu yüksək qiymətləndirir, gələcəkdə daha böyük nailiyyətlər əldə edəcəyinə inanırlar.

18-04-2025, 11:46 408