Sumqayıt şəhər Yusif Məmmədəliyev adına 31 nömrəli tam orta məktəbin 9 “C” sinif şagirdi Vəlizadə Həsən Arif oğlu bu il keçirilən 2025-ci il buraxılış imtahanında yüksək nəticə göstərərək 300 mümkün baldan 295,1 bal toplayıb.

Bu nüfuzlu nəticə Həsənin zəhmətinin, biliyə olan marağının və gələcək məqsədlərinə doğru inamla irəliləməsinin bariz göstəricisidir.

Gənc yaşında belə böyük nailiyyət qazanan Həsən həm müəllimlərinin, həm də ailəsinin qürur mənbəyinə çevrilib. Onun bu uğuru təkcə şəxsi deyil, eyni zamanda təhsil aldığı məktəb üçün də böyük fəxrdir.

Məktəbin riyaziyyat müəllimi İlahə müəllimə Həsənin bu nəticəsini yüksək qiymətləndirərək, ona gələcək təhsil həyatında daha böyük uğurlar arzulayıb. O bildirib ki, Həsən daim məsuliyyətli, fəal və elmi biliklərə maraqlı bir şagird kimi seçilib.

Əziz Həsən, sən bizim fəxrimizsən! Sənin bu nailiyyətin daha böyük uğurların ilk addımıdır. İnanırıq ki, qarşıda səni daha parlaq bir gələcək gözləyir!

Müəllif: İlahə Həsənova

11-06-2025, 15:54 301