Sumqayıt şəhərinin Koroğlu küçəsində, 10-cu və 12-ci mikrorayon ərazisindən keçən əsas yolda piyada keçidi xətti yoxdur.
Sumqayit.tv-in redaksiyasınaa daxil olan məlumata görə, bu ərazidə nəqliyyat axını intensiv olsa da, piyada keçidi xətti hələ də çəkilməyib. Yolun hər iki tərəfində sıx yaşayış binaları yerləşir və sakinlər gündəlik olaraq bu yoldan istifadə etməyə məcburdurlar. Xüsusilə yaşlılar və uşaqlar üçün bu vəziyyət böyük təhlükə yaradır.

İzləyicimizin göndərdiyi video və fotolardan görünür ki, ərazidə yalnız piyada keçidi nişanı üçün şablonlar qoyulub, lakin xətt çəkilməyib. Bu da sübut edir ki, məsələ rəsmi qurumların diqqətində olsa da, iş tam başa çatdırılmayıb.

Sumqayıt TV olaraq məsələni işıqlandırır və aidiyyəti qurumlardan bu problemi dərhal aradan qaldırmağı xahiş edirik. İnsanların həyat və sağlamlığı hər şeydən önəmlidir.