Azərbaycan futbolunun tanınmış simalarından biri olan Kamal Quliyev növbəti mövsümdən etibarən "Qaradağ Lökbatan" klubunu çalışdıracaq.
Sumqayit.tv - in məlumatına görə, K. Quliyevin komandası 2024/2025 mövsümündə II Liqada mübarizə aparacaq.

Qeyd edək ki, Kamal Quliyev məşqçilik karyerası ərzində uğurlu nəticələrə imza atıb. Onun rəhbərliyi ilə "Neftçala" klubu I Liqanın çempionu olub.

Xatırladaq ki, Kamal Quliyev futbolçu karyerasına Sumqayıt futbol məktəbində başlayıb. O, həmçinin "Sumqayıt" klubunun və Azərbaycan milli komandasının da formasını geyinib.

Yeni mövsümdə Kamal Quliyevə uğurlar arzu edirik!