Özbəkistan Prezidenti Şavkat Mirziyoyevin iyulun 2-də Azərbaycana səfəri çərçivəsində iki ölkə arasında bir sıra mühüm sənədlər imzalanıb.
Sumqayit.tv xəbər verir ki, sənədlər müxtəlif sahələr üzrə əməkdaşlığın gücləndirilməsini nəzərdə tutur.

Ən diqqətçəkən razılaşmalardan biri Sumqayıt şəhəri ilə Özbəkistanın Daşkənd vilayəti arasında qardaşlaşma münasibətlərinin qurulması haqqında imzalanan protokoldur. Eyni zamanda, Qəbələ şəhəri ilə Navoi şəhəri arasında da oxşar protokol imzalanıb.

Sosial sahədə də tərəflər arasında mühüm sənədlər razılaşdırılıb. “DOST” İnklüziv İnkişaf və Yaradıcılıq Mərkəzi ilə Özbəkistanın “İMKON” reabilitasiya mərkəzi və “International Inclusive Hub” arasında xüsusi qayğıya ehtiyacı olan şəxslərə xidmətlərin təşkili sahəsində əməkdaşlıq protokolları imzalanıb.

Bu sənədlər Azərbaycanla Özbəkistan arasında əlaqələrin həm şəhərlərarası, həm də sosial-iqtisadi sahələrdə daha da möhkəmlənməsinə xidmət edəcək.