Sumqayıt şəhəri, Koroğlu küçəsində, 10-cu və 12-ci mikrorayon ərazisindən keçən əsas yol üzərində piyada keçidi xətti çəkilib.

Qeyd edək ki, bu problem barədə təxminən 10 gün əvvəl Sumqayit.tv olaraq məlumat vermiş, ərazidə nəqliyyat axınının intensiv olmasına baxmayaraq piyada keçidi xəttinin olmamasını, xüsusilə uşaqlar və yaşlılar üçün təhlükə yaratdığını diqqətə çatdırmışdıq.

Məsələ ictimailəşdirildikdən sonra aidiyyəti qurumlar tərəfindən ərazidə lazımi işlər görülüb və piyada keçidi xətti çəkilərək hazır vəziyyətə gətirilib.

Bu, bir daha göstərir ki, vətəndaşların müraciətləri və medianın operativliyi sayəsində şəhər həyatında təhlükəsizlik və nizam-intizamın qorunması mümkün olur.

Sumqayit.tv olaraq, problemin həllində iştirak edən bütün qurumlara təşəkkür edir, vətəndaşlarımızı belə hallarla qarşılaşdıqda bizə müraciət etməyə çağırırıq.

11-07-2025, 12:29 89