Dövlət İmtahan Mərkəzi (DİM) tərəfindən iyulun 6-da keçirilmiş II və III ixtisas qrupları üzrə qəbul imtahanlarının nəticələri açıqlanıb.                            Sumqayit.tv xəbər verir ki, nəticələrə əsasən, Sumqayıt şəhəri Təbiət Elmləri Təmayüllü Gimnaziyanın məzunu Baxşəliyeva Aytac Ənvər qızı III ixtisas qrupu üzrə ölkə birincisi olub.

O, imtahanın ikinci mərhələsində 397 bal, ümumi olaraq isə hər iki mərhələnin cəminə görə 691.8 bal toplayaraq bu qrup üzrə ən yüksək nəticəni göstərən abituriyent adına layiq görülüb. Aytac Baxşəliyeva imtahanın birinci mərhələsində 294.8 bal toplamışdı.

Qeyd edək ki, I mərhələdə maksimal bal 300, II mərhələdə isə 400-dür. Müsabiqə hər iki mərhələnin cəminə əsasən aparılır.