Bu gün səhər saatlarında Sumqayıt şəhəri, Kimyaçılar yaşayış massivində yerləşən plastik klips istehsalı üzrə fəaliyyət göstərən emalatxanada güclü yanğın baş verib.

Fövqəladə Hallar Nazirliyindən (FHN) Sumqayit.tv-yə verilən məlumata görə, ümumi sahəsi 800 kvadratmetr olan sexin 200 kvadratmetri yanıb. Yanğın nəticəsində emalatxananın metal konstruksiyalardan ibarət dam örtüyünün 50 kv.m sahəsi də deformasiya olub.

Hadisə yerinə cəlb olunan FHN-in Dövlət Yanğından Mühafizə Xidmətinin yanğınsöndürən bölmələri yanğının ətraf ərazilərə yayılmasının qarşısını alıblar. Operativ müdaxilə nəticəsində emalatxananın böyük hissəsi yanğından mühafizə olunub.

Hazırda hadisənin başvermə səbəbi araşdırılır.