Azərbaycan Respublikasının Müdafiə Nazirliyi avqustun 25-dən 29-dək istifadəyə yararsız döyüş sursatlarının məhv ediləcəyini açıqlayıb.

Sumqayit.tv xəbər verir ki, Nazirliyin məlumatına görə, sursatların təhlükəsizlik qaydalarına uyğun şəkildə zərərsizləşdirilməsi Pirəkəşkül qəsəbəsi yaxınlığındakı poliqonda, həmçinin Ağdərə rayonu ərazisindəki təlim mərkəzində həyata keçiriləcək.

Məlumat üçün qeyd edək ki, Pirəkəşkül Sumqayıta yaxın ərazidə yerləşir. Buna görə də, həmin günlərdə baş verəcək partlayış səsləri şəhərdə də eşidilə bilər.

Müdafiə Nazirliyi əhalini təşvişə düşməməyə çağırır və bildirir ki, partlayış səsləri narahatlıq üçün heç bir əsas yaratmır.