Sumqayıt şəhərində yerləşən çörək sexində yanğın hadisəsi baş verib.
Sumqayit.tv xəbər verir ki, hadisə “Stansiya Sumqayıt” qəsəbəsi ərazisində qeydə alınıb. Fövqəladə Hallar Nazirliyinin Dövlət Yanğından Mühafizə Xidmətinin canlı qüvvəsi və texnikaları əraziyə cəlb olunub.

FHN əməkdaşlarının operativ müdaxiləsi nəticəsində yanğının genişlənməsinin qarşısı alınıb və alov qısa müddətdə söndürülüb.

Qeyd edək ki, hadisə zamanı xəsarət alanlar barədə məlumat verilməyib. Yanğının səbəbləri araşdırılır.