Sumqayıt Dövlət Universitetində (SDU) rektor təyinatı hələ də rəsmiləşməyib.

Sumqayit.tv xəbər verir ki, universitetin sonuncu rektoru Rüfət Əzizov 2025-ci ilin fevral ayınadək bu vəzifəni icra edib. Prezident İlham Əliyevin sərəncamı ilə o, Azərbaycan Dövlət Neft və Sənaye Universitetinə (ADNSU) rektor təyin olunub.

Ardınca, 12 fevral 2025-ci ildə Elm və Ali Təhsil üzrə Dövlət Agentliyinin direktor müavini Əminağa Sadıqov SDU-ya rektor əvəzi təyin edilib. Hazırda o, universitetdə rektorun səlahiyyətlərini icra edir.

Təxminən iki həftədən sonra isə ali məktəblərdə 2025–2026-cı tədris ili başlayır. Yeni tədris ili üçün hazırlıqlar aparılsa da, Sumqayıt Dövlət Universitetin rəsmi rektor təyinatı hələ verilməyib.

Selcan Yusif
Sumqayit.tv