Pirıyev Ömər Fərid oğlu 2008-ci ildə anadan olub. O, bu il Sumqayıt şəhəri “Təfəkkür” liseyini əla qiymətlərlə bitirib və buraxılış imtahanlarında qazandığı uğurlara görə həm 9-cu, həm də 11-ci sinfi qırmızı attestatla başa vurub.

Qəbul imtahanında 665 bal toplayaraq Azərbaycan Tibb Universitetinin Tibb fakültəsinə qəbul olub.

Uğurları və nailiyyətləri

- Fizika və Riyaziyyat üzrə dəfələrlə Respublika fənn olimpiadalarında iştirak edib, fizika üzrə yarımfinal mərhələsinə qədər yüksəlib.

- 2023-cü ildə Beynəlxalq Riyaziyyat Gününə həsr olunmuş fənn olimpiadasında 3-cü yer qazanıb.

- 2022-ci ildə “Fermat” Riyaziyyat olimpiadasında qızıl medal sahibi olub.

- “Texnologiya macəraları – Web maşınları” layihəsində uğurla iştirak edib.

- “Sağlam Düşüncə” Gənclər Təşkilatının təşkil etdiyi Təbiət və Ekologiya layihəsində aktiv iştirak edib.

- Məktəblər üzrə keçirilən şahmat turnirində 1-ci yer qazanıb.

- İngilis dili üzrə B2 səviyyəsi sertifikatına sahibdir.

Qürur mənbəyimiz

Ömər yalnız dərslərdə deyil, intellektual yarışlarda da parlaq nəticələri ilə seçilib. Onun zəhməti, əzmi və ardıcıllığı bütün gənclərə örnək ola biləcək gözəl nümunədir.
Belə istedadlı gənclərin uğurları Sumqayıtın, eləcə də ölkəmizin gələcəyi üçün böyük ümidlər vəd edir.

Redaksiyada: Əziz valideynlər, övladlarınızın uğurlarını da Sumqayıt.TV saytının “Fəxrlərimiz” bölməsində görmək istəyirsinizsə, bizimlə əlaqə saxlayın!

29-08-2025, 14:14 407