Redaksiyamıza vətəndaşlardan daxil olan foto və videolarda Sumqayıt şəhərinin 13-cü mikrorayonunda, Niyazi küçəsi 194 ünvanı, 36 və 38 nömrəli binaların yanında acınacaqlı vəziyyət qeydə alınıb.

Görüntülərdən də aydın olur ki, ərazidə yerləşən zibil qabları dolub daşır, tullantılar yerə tökülüb, antisanitariya hökm sürür. İsti yay günlərində isə zibilliyin vaxtında daşınmaması üfunət iyi yayaraq ətraf sakinlərin həm sağlamlığına, həm də gündəlik həyatına ciddi problemlər yaradır.

Sakinlərin sözlərinə görə, bu vəziyyət uzun müddətdir davam edir və aidiyyəti qurumların müdaxiləsinə ehtiyac var.

Müəllif: Sumqayit.tv