Sumqayıt Tibb Mərkəzinin nəzdində fəaliyyət göstərən Uşaq Xəstəxanasının ərazisində şok hadisə baş verib.

Sumqayit.tv xəbər verir ki, TƏBİB-in məlumatına görə, sentyabrın 14-də, saat 14:20 radələrində xəstəxananın həyətində yerləşən ağaclıq sahədə mühafizə polisi tərəfindən ölü döl aşkarlanıb.

İlkin məlumata əsasən, söhbət təxminən 8 aylıq qız dölündən gedir. Dölün kimə aid olduğu və kim tərəfindən əraziyə atıldığı hələlik müəyyən edilməyib.

Qeyd edək ki, Sumqayıt Şəhər Uşaq Xəstəxanasında hamiləliyin sonlandırılması əməliyyatları icra olunmur.

Hadisə ilə bağlı hüquq-mühafizə orqanları tərəfindən araşdırma aparılır. Döl aidiyyəti qurumlara təhvil verilib.