Sumqayıt şəhərinin Corat qəsəbəsində, 4 nömrəli avtobusun hərəkət etdiyi əsas yolda yağışdan sonra ciddi problemlər yaranıb.
Sakinlərin Sumqayit.tv-yə ünvanladığı müraciətdə bildirilir ki, az miqdarda yağıntıdan sonra belə küçələr gölməçəyə çevrilib, avtomobillərin hərəkəti məhdudlaşır, piyadaların isə yol keçidi xeyli çətinləşir.

Sakinlərin sözlərinə görə, artıq adi yağış belə gündəlik həyatlarını çətinləşdirir. Onlar narahatlıqla bildirirlər ki, bu vəziyyət belədirsə, güclü yağış zamanı küçələrin hansı hala düşəcəyi sual doğurur.

Qəsəbə sakinləri aidiyyəti qurumlardan problemin qısa zamanda həll olunmasını və yol infrastrukturunun yenilənməsini xahiş edirlər.