Sakinlərdən “zibilpulu” yığılır – qanunidirmi?

Son aylarda Sumqayıt və digər şəhərlərdə bəzi Mənzil İstismar Sahələrinin (MİS) sakinlərdən “zibilpulu” adı altında müxtəlif məbləğlər topladığı barədə redaksiyamıza şikayətlər daxil olub. Sakinlərin sözlərinə görə, illərdir davam edən bu təcrübə onlarda ciddi narazılıq yaradıb.

Hüquqi əsas yoxdur

Məsələ ilə bağlı açıqlama verən hüquqşünas, vəkil Ramil Süleymanov bildirib ki, MİS-lər artıq qanunvericilikdə nəzərdə tutulmur:

 
“2009-cu ildən etibarən Mənzil İstismar Sahələri ayrıca qurum kimi qanunlarda yer almır. 2018-ci ildən sonra isə onların fəaliyyəti faktiki olaraq tam dayandırılıb. Buna baxmayaraq, alternativ strukturların yaradılmaması səbəbindən bəzi ərazilərdə hələ də köhnə sistemin qalığı olaraq sakinlərdən ödəniş yığılır. Halbuki, bu ödənişin heç bir hüquqi əsası yoxdur”.

Təmizlik xidmətləri kimə məxsusdur?

Ramil Süleymanovun sözlərinə görə, qanunvericiliyə əsasən, məişət tullantılarının yığılması və daşınması xidmətləri yalnız bələdiyyələr və icra hakimiyyətləri yanında yaradılmış rəsmi qurumların səlahiyyətindədir:

“Bəzi şəhərlərdə fəaliyyət göstərən təmizlik departamentləri əsasən kommersiya obyektlərinə xidmət göstərir. Ev təsərrüfatı tullantıları üçün əhalidən pul yığmaq onların səlahiyyətlərinə aid deyil”.        Müəllif: Sumqayit.tv