Sumqayıtda Magistral Xəttə Təmir ili əlaqədar olaraq şəhərin 6 ərazisində suyun verilişi gün boyu dayandırılacaq. 

Sumqayit.tv xəbər verir ki, Azərbaycan Dövlət Su Ehtiyatları Agentliyinin (ADSEA) məlumatına əsasən, 28 oktyabrda Sumqayıt şəhərinin bir neçə ərazisində içməli suyun verilişində müvəqqəti fasilə olacaq.

Agentliyin tabeliyində fəaliyyət göstərən İri Şəhərlərin Birləşmiş Su Təchizatı Xidməti bildirib ki, magistral xətdə aparılacaq təmir-tikinti işləri ilə əlaqədar suyun verilişi səhər saatlarından günün sonunadək dayandırılacaq.

Su kəsintisi aşağıdakı əraziləri əhatə edəcək:

• Kotec qəsəbəsi

• Kimyaçılar qəsəbəsi

• Bulvar ərazisi

• 26-cı məhəllə

• Xəzər bağları

• 7-ci, 8-ci və 12-ci məhəllələrin bir hissəsi

Agentlik sakinlərdən su ehtiyatlarını əvvəlcədən görməyi və narahatlığa anlayışla yanaşmağı xahiş edib.

27-10-2025, 17:21 461