Son zamanlar sosial şəbəkələrdə dövlət qurumlarının fəaliyyəti ilə bağlı paylaşılan xəbərlərin altında sakinlərin aktiv şəkildə rəy yazması müşahidə olunur.

Sumqayit.tv redaksiyası bildirir ki, bu rəylərin bir qismi qəbula düşməkdə çətinlik, müraciətlərin cavablandırılmasında gecikmə, xidmətlə bağlı narazılıqların səsləndirilməsi və sair kimi ümumi mövzuları əhatə edir.

Mövzu ilə əlaqədar olaraq Sumqayıt.tv Sumqayıt şəhər İcra Hakimiyyəti Mətbuat xidmətinə, Sumqayıt şəhər Bələdiyyəsinin Mətbuat xidmətinə, Sumqayıt Tibb Mərkəzinin İctimaiyyətlə əlaqələr bölməsinə və Sumqayıtdan seçilən 6 deputatın köməkçilərinə dörd sualdan ibarət sorğu göndərib:

1. Sosial şəbəkələrdə yazılan rəy və şikayət xarakterli qeydləri izləyirlərmi?

2. Bu qeydlər əsasında vətəndaş müraciətlərinə baxılması üçün hər hansı mexanizm mövcuddurmu?

3. Sakinlərin qəbula düşməkdə çətinlik və müraciət prosedurları ilə bağlı yazdığı ümumi narazılıqlara münasibətləri necədir?

4. Rəsmi qəbul cədvəlləri necə tənzimlənir və vətəndaşlar bu barədə məlumatı haradan əldə edə bilər?

Hazırda sorğular cavablandırılma mərhələsindədir. Rəsmi mövqelər daxil olduqca ictimaiyyətə təqdim ediləcək.

17-11-2025, 15:00 275