Vağzal ətrafında silinmiş yol xətləri yenidən çəkilərək hərəkət təhlükəsizliyi bərpa olunub.

Sumqayit.tv xəbər verir ki, bu gün Sumqayıt şəhəri Dəmiryolu vağzalının yaxınlığında Dövlət Yol Polisi əməkdaşları tərəfindən yolun üfüqi nişanlanma xətləri yenilənib.

Sakinlərin bildirdiyinə görə, əvvəlki xətlər zamanla silinmiş, sürücülər üçün görünməz hala düşmüşdü. DYP isə nəqliyyatın təhlükəsiz hərəkətini təmin etmək məqsədilə həmin ərazidə yenidən xəttçəkmə işləri aparıb.

Yenilənmiş nişanlanma xətləri yolun daha aydın görünməsinə, qaydaların pozulması hallarının azalmasına və piyadalarla sürücülər üçün təhlükəsizliyin artırılmasına xidmət edir.

Ərazidə işlər gün ərzində davam edib.

Müəllif: Selcan Yusif

20-11-2025, 21:28 152