Sumqayıtda TTY maşınının sürücüsünün xidməti maşınla spirtli içki aldığı iddiası gündəm yaratdı.
Sumqayit.tv xəbər verir ki, son zamanlar redaksiyamıza Təcili Tibbi Yardımın çağırışlara gec gəlməsi ilə bağlı çoxsaylı şikayətlər daxil olur. Bu dəfə şəhər sakini tərəfindən təqdim olunan video TTY əməkdaşlarının xidmətdə olduğu vaxtla bağlı yeni iddianı gündəmə gətirib. İzləyicinin sözlərinə görə, video 29 noyabr 2025-ci il, saat 23:56-da çəkilib. İzləyici bildirir ki, Sumqayıtın 42-ci məhəlləsində Təcili Tibbi Yardım maşınının sürücüsü xidmətdə olduğu halda avtomobili saxlayaraq spirtli içkilər satılan mağazaya daxil olub. İzləyicinin iddiasına görə, dükandakı sarı geyimli vətəndaş məhz TTY maşının sürücüsüdür.  Məlumatda qeyd olunur ki, hadisə zamanı TTY maşınında tibb bacısı da olub və o, avtomobilin içində gözləyib. İzləyici iddia edir ki, sürücü bir neçə dəqiqə sonra mağazadan spirtli içki alaraq yenidən TTY avtomobilinə qayıdıb və maşın hərəkətinə davam edib. Onun sözlərinə görə, görüntülərdə bu hal açıq şəkildə görünür. Şikayətçi belə deyir: “42-ci məhəllədə yol gedirdim, TTY maşınının saxlanıldığını gördüm. Sürücü düşüb içki satılan mağazaya girdi. Tibb bacısı isə maşında oturub telefonla oynayırdı. Bir müddət sonra sürücü içəridən araq alıb sakitcə maşına oturdu. Hansı ki, bu insanlar iş başında olduqları üçün belə addımlar atmamalıdırlar. Şəhərdə TTY maşınlarının az olduğu vaxtda onların bir dəqiqə belə dayanmağa haqqı yoxdur.” İzləyici daha əvvəl başına gələn hadisəni də xatırladıb: “Atamın vəziyyəti ağır olanda TTY-yə 23 dəfə zəng etdik, gəlmədilər. Öləndən sonra gəldilər. İndiki halda da bəlkə kiminsə həyatı təhlükədədir.” O, görüntülərin paylaşılmasını xahiş edib ki, məsələ araşdırılsın və nəticə çıxarılsın.
Qeyd edək ki, redaksiya olaraq Təcili Tibbi Yardım xidmətinin mövqeyini işıqlandırmağa hazırıq. 

Videonun linki: 

(1)Sumqayıt TV Official (@sumqayittvofficial) | TikTok

1-12-2025, 13:59 377