Bakıda Səbail rayonunda baş verən ağır bıçaqlanma hadisəsi ilə bağlı yeni məlumatlar daxil olub.

Şahidlərin Sumqayit.tv redaksiyasına bildirdiyinə görə, Sumqayıt şəhər sakini Leyla Quliyevanın həyat yoldaşı tərəfindən əvvəl deyilən kimi 8 deyil, 25 bıçaq zərbəsi aldığı məlum olub.

Hadisə dekabrın 2-si saat 16 radələrində “Kontact Home”un Sahil filialında baş verib. Məlumata görə, 1995-ci il təvəllüdlü Leyla Quliyeva həmin filialda çalışırmış.

İlkin məlumatlara əsasən, mağazaya daxil olan Bakı sakini, 1992-ci il təvəllüdlü Faxrəddin Quliyev həyat yoldaşına ard-arda çoxsaylı bıçaq zərbələri endirib. Qadın qaçmağa cəhd etsə də, F.Quliyev ona çataraq hücumu davam etdirib.

Zərərçəkmiş Leyla Quliyeva ağır vəziyyətdə “Semaşko” xəstəxanasına yerləşdirilib. Onun vəziyyəti orta-ağır olaraq qiymətləndirilir. Həkimlər bildirirlər ki, qadının həyatının xilas olması üçün qarşıdakı 48 saat kritik hesab olunur.

Hadisədən dərhal sonra F.Quliyev polis tərəfindən saxlanılıb. Həm L.Quliyevanın, həm də onun həyat yoldaşının ali təhsilli olduğu, əlavə olaraq F.Quliyevin son illər xarici ölkələrdən birində çalışdığı qeyd olunur.

Faktla bağlı Cinayət Məcəlləsinin 29.120.1-ci (qəsdən adam öldürməyə cəhd) maddəsi üzrə cinayət işi başlanıb. Araşdırmalar davam etdirilir.

3-12-2025, 11:58 85