Sumqayıtın Corat qəsəbəsinin Cəfər Cabbarlı küçəsində yaşayan sakin kanalizasiya infrastrukturundakı problemdən narazılıq edir.

Sakinlər Sumqayit.tv-yə göndərdikləri videoda bildiriblər ki, “Ruzi” marketin qarşısından keçən hissədə yağış yağan kimi böyük gölməçələr yaranır və küçə keçilməz vəziyyətə düşür.

Şikayətçilərin sözlərinə görə, məsələ ilə bağlı dəfələrlə aidiyyəti qurumlara müraciət edilib. Onlar bildirirlər ki, müvəqqəti tədbirlər görülsə də, problem yenidən təkrarlanır.

Sakinlər qeyd ediblər ki, yaranan vəziyyət xüsusilə məktəbə gedən uşaqlar, yaşlı sakinlər və sürücülər üçün ciddi çətinlik yaradır. Onların iddiasına görə, bu vəziyyət kanalizasiya xətlərinin çəkilməsindən sonra yaranıb.

Məsələ ilə bağlı sakinlər bildirirlər ki, problem su və kanalizasiya infrastrukturundan qaynaqlana bilər və bu səbəbdən aidiyyəti üzrə “Azərsu” ASC-nin müdaxiləsinə ehtiyac var.

“Biz digər vətəndaşlar kimi bütün kommunal ödənişləri vaxtında ödəyirik. Xahiş edirik, bu problemin birdəfəlik həllinə kömək olunsun”, – deyə sakinlər müraciətlərində qeyd ediblər.

Sakinlər ümid edirlər ki, məsələ araşdırılacaq və küçədə yaranan çətinlik qısa müddətdə aradan qaldırılacaq.

Video link:

(35)Sumqayıt TV Official (@sumqayittvofficial) | TikTok

3-12-2025, 17:46 73