Sumqayıt şəhərinin 42-ci məhəlləsində sakinlər uzun illərdir davam edən su təzyiqi problemi ilə üzləşib.
Sakinlərin Sumqayit.tv-yə bildirdiyinə görə, son 3 ildir hər gün axşam saat 18:00-dan 22:00-dək və səhər saat 06:00-dan 10:00-dək su təzyiqinin artırılması üçün mator işlədilməlidir. Lakin birinci mərtəbədə yaşayan sakinlər suyun təzyiqinin həmişə aşağı olduğunu bildirirlər.

Məsələ ilə bağlı sakinlər maşinist Zinyət adlı şəxsin işini keyfiyyətli şəkildə yerinə yetirmədiyini iddia edirlər. Onların sözlərinə görə, maşinist su təzyiqini artırmaq əvəzinə “təzyiqim qalxır, yatıram” deyərək işi gecikdirir. Sakinlər bildirirlər ki, yaşlı olduğu üçün işini düzgün yerinə yetirə bilmir və əvəzinə başqa şəxsin işləməsini tələb edirlər.

Problemin davam etməsi nəticəsində kombi və digər su qızdırıcı avadanlıqlar da düzgün işləyə bilmir, bu isə sakinlərin gündəlik ehtiyaclarını çətinləşdirir. Xüsusilə azyaşlı uşaqları olan ailələr suyun azlığı səbəbindən uşaqları məktəbə getməzdən əvvəl yuyundura bilmir.

Sakinlər həmçinin qeyd edirlər ki, bazar günləri su təzyiqi daha da aşağı düşür və mator işləmədiyi üçün vəziyyət kritik həddə çatır.

Sakinlər məsələ ilə bağlı Su Kanal İdarəsinə müraciət etsələr də, hələ də nəticə əldə edə bilməyiblər. Onlar problemi ictimailəşdirərək, aidiyyəti qurumların müdaxiləsini gözləyirlər.

Ətraflı: (41)Sumqayıt TV Official (@sumqayittvofficial) | TikTok

4-12-2025, 22:01 51